Buinn Geamannan nan Eilean air am foillseachadh
Chaidh na buinn airson Geamannan nan Eilean fhoillseachadh agus 100 là ann Diardaoin gus an tòisich na farpaisean ann an Arcaibh.
Cuiridh Arcaibh fàilte air lùth-chleasaichean bho 24 eileanan bho air feadh an t-saoghail.
'S e seo am ficheadamh trup a bhios Geamannan nan Eilean air an cumail agus 's e a' chiad turas aca an Arcaibh.
B' e cruth-tìre Arcaibh a bhrosnaich dreach nam bonn, agus tha an neach-dealbhachaidh seudraidh à Arcaibh, Sheila Fleet OBE, gam sponsaireadh.
Chaidh farpais a chur air dòigh ann an 2023 airson na buinn a dhealbhachadh, agus b' e sgeidse de thursachan le Jodie Brown, 23, à Kirkwall, a bhuannaich.
Bidh na geamannan a' dol eadar 12-18 dhen Iuchar agus bidh timcheall air 2,000 farpaiseach ann an Arcaibh is iad gu bhith an sàs ann an dusan spòrs.
Na h-Eileanan Siar
A thaobh nan Eilean Siar, chaidh Kara Hanlon ainmeachadh ann an sgioba snàmh na sgìre airson geamannan Arcaibh.
'S ann aice a tha an àireamh as motha de bhuinn bho aon neach an lùib sgioba WIIGA.
Feumar feitheamh ge-tà gus faicinn an gabh i pàirt anns na geamannan, agus cothrom aice fhathast a bhith aig farpaisean na cruinne ann an Singapore mun aon àm.
Ball-coise
Tha sgioba ball-coise nam fear aig na h-Eileanan Siar an dèidh bhith air ainmeachadh airson Arcaibh cuideachd. Seo e:
Jack MacIllInnein
Eòghann Dòmhnallach
DI MacIllInnein (Sgiobair)
Eachainn Miller (Leas-sgiobair)
AJ MacNeacail
Josh Mac a' Ghobhainn
Calum MacIllInnein
Harry Bray
Raibeart Jones
Luke Moireasdan
Stevie Mutch
Sam MacAoidh
Robbie MacCoinnich
Ros Dòmhnallach
Dom MacAmhlaigh
Mikey Jones
Aonghas Dòmhnallach
Luke MacAoidh
